व्हीएस न्यूज – एचडीएफसी बँकेने मुंबईच्या फोर्ट शाखेच्या दारात रात्रीच्या वेळी झोपणाऱ्या बेघर लोकांना हटवण्यासाठी अघोरी उपाय केला असून बँकेने यासाठी कार्यालयाच्या शटरच्या बाहेर टोकदार खिळ्यांची पट्टी बसवली आहे. सोशल मीडियात या प्रकाराचे फोटो व्हायरल झाले आहेत. नेटकऱ्यांनी यावरुन बँकेवर प्रचंड टीका केली आहे.
हा अघोरी उपाय एचडीएफसीच्या फोर्ट शाखेने केला असून सिमॉन मुंडे या व्यक्तीने याचे फोटो २६ मार्च रोजी आपल्या ट्विटरवर अपलोड केले होते. अनेक ट्विटर युजर्सने या फोटोवर प्रतिक्रिया दिल्या असून खडे बोल बँकेला सुनावले आहेत. त्यांनी म्हटले आहे, बँकेने बेघरांसाठी केलेल्या या प्रतापामुळे एखादी व्यक्ती जर चुकून त्यावर पडली तर त्याचा जीव जाऊ शकतो किंवा तो गंभीर जखमी होऊ शकतो. एचडीएफसीने केलेला हा जगातला पहिलाच प्रकार नव्हे कारण, ब्रिस्टोल आणि इंग्लंडमध्ये डिसेंबर २०१७ मध्ये अशा प्रकारचे खिळ्यांची पट्टी झाडांवर लावण्यात आली होती. पक्षांनी फांद्यांवर बसू नये यासाठी तो उपाय करण्यात आला होता.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)