व्हीएस न्यूज - मुंबई महापालिकेच्या अभियंत्यास भाजप आमदार अमित साटम यांनी शिवीगाळ केल्याची ऑडिओ क्लिप व्हायरल झाली असून पण शिवीगाळ केल्याचे आमदार साटम यांनी नाकारले आहे. या ऑडिओ क्लिपमधील केवळ सुरुवातीचा आवाज आपला असून नंतरचा आवाज दुसऱ्या असल्याचे म्हटले आहे.
आपल्याविरोधात घोटाळेबाज अभियंत्याचा हा कट असल्याचे साटम यांनी म्हटले आहे. कोणतीही तक्रार याबाबत दाखल झाली नसल्याचेही सांगण्यात येत आहे. तर पैसे उकळण्यासाठी आमदार अमित साटम यांनी धमकी दिल्याचा दावाही अभियंत्यांनी केला आहे. साटम यांनी के-पश्चिम वॉर्डमधील राठोड (कनिष्ठ अभियंता) आणि पवार (सहाय्यक अभियंता) यांना शिवीगाळ केल्याचा आरोप करण्यात येत आहे.
या आरोपाबाबत आमदार साटम यांनी म्हटले आहे की, फोन संभाषणातील सुरुवातीचा आवाज आपला असला, तरी शिवीगाळ ऐकू येत असलेला संभाषणाचा भाग एडिट किंवा मॉर्फ करुन व्हायरल करण्यात आलेला आहे. पवार यांनी के-वेस्ट वॉर्ड सोडून दहा महिने झाले, म्हणजे हे संभाषण किमान एक वर्ष जुने असावे. असे कोणतेही संभाषण झाल्याचे आपल्या आठवणीत नाही, असेही साटम यांनी म्हटले आहे.
आपले अभियंते पवार यांच्याशी चांगले संबंध होते, त्यामुळे त्यांना शिवीगाळ करण्याचा प्रश्नच येत नाही. आपण विधानसभेत ५० हजार कोटींचा बिल्डिंग स्कॅम बाहेर काढला होता. त्याबाबत चौकशी सुरु असून लोकायुक्तांकडे सुनावणी सुरु आहे. त्यामुळे निर्णय होण्याआधी माझी बदनामी करुन दबाव आणण्याचा केविलवाणा प्रयत्न सुरु आहे, असे यांनी म्हटले आहे.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
~2.jpg)
.jpeg)