व्हिएस न्युज - पिंपरी-चिंचवड महानगरपालिकेत विविध विभागात मोठ्या संख्येने कंत्राटी कामगार काम करीत आहे. संबंधित ठेकेदार त्यांना पगार स्लिप देत नसल्याने त्यांना विविध प्रकारची अल्प मुदतीची अथवा दीर्घ मुदतीची कर्ज काढणे व इतर कामे करणे शक्‍य होत नाही. त्यामुळे पालिकेच्या सर्व कंत्राटी कामगारांना पगार स्लिपा देण्याचे आदेश पालिका आयुक्त तथा प्रशासक शेखर सिंह यांनी द्यावेत, अशी मागणी भाजपा कामगार सेलचे सरचिटणीस हनुमंत लांडगे यांनी केली आहे.
याबाबत लांडगे यांनी आयुक्त सिंह यांना निवेदन दिले आहे. या निवेदनात म्हटले आहे की, पिंपरी चिंचवड महानगरपालिकेमधून दर महिन्याला 30 ते 35 अधिकारी, कर्मचारी सेवानिवृत्त होत आहे. त्यामुळे महापालिकेत विविध विभागात ठेकेदारांमार्फत कंत्राटी पद्धतीने काम करणाऱ्या कर्मचाऱ्यांची संख्या मोठी आहे. मात्र, संबंधित ठेकेदार त्यांना पगार स्लिप देत नसल्याने त्यांना विविध प्रकारची अल्प मुदतीची अथवा दीर्घ मुदतीची कर्ज काढणे व इतर कामे करणे शक्‍य होत नाही. त्यामुळे सर्व कंत्राटी कामगारांना पगार स्लिपा देण्याचे आदेश द्यावेत, अशी मागणी सरचिटणीस लांडगे यांनी केली आहे.
"पगार स्लीप न देणे म्हणजे कामगाराला त्याच्या हक्क पासून वंचित ठेवणे . प्रत्येक सरकारी नोकरी किंवा खासगी नोकरी करणाऱ्यांसाठी पगार स्लिप आणि नियुक्ती पत्र महत्वाची असते. पगार स्लिपला महत्वाचे कागदपत्र देखील मानले जाते. जर तुम्ही इन्कमटॅक्स फाइल करीत आहात, किंवा बॅंकेतून कर्ज घेऊ इच्छिता त्यावेळी ही स्लिप महत्वाची असते. तसेच एक नोकरी सोडून दुसरी नोकरी स्विकारण्याआधीसुद्धा आधीच्या नोकरीची सॅलरी स्लिप महत्वाची ठरते. कंत्राटी कामगारांना पगार स्लीप नसल्याने अल्प मुदतीची अथवा दीर्घ मुदतीची कर्ज काढणे अशक्य झाल्याने ते सावकारी कर्जाकडे वळत आहेत. पगार स्लीप उपलब्ध झाल्यास अडचणीच्या वेळेस कंत्राटी कामगारांना बँकेतून सहज कर्ज घेता येईल आणि देशाचे नुकसान सुद्धा होणार नाही" असे आमच्या प्रतिनिधीशी बोलताना लांडगे म्हणाले.
ADDRESS
VS News, Khararwadi,
Pimpri-Chinchwad
CONTACTS
Email: vsnews24x7@gmail.com
Phone: +91 91724 53002
.jpeg)
